《願我永遠都是不懂事的青年》
被無力感攻擊八個月後
最近我發現自己雙腳有少少move on了。
有幾次喺街頭見到啲手足自己一個拎住「光復香港」旗
又或者係唔同標語文宣默站
經過佢身邊嘅時候我都有一種感覺
覺得自己活得太似一個大人，太似一個成年人
大人，好多時因為足夠成熟就好易睇開睇化
對於再難再痛嘅過去都比較容易move on
對於無能為力嘅事都比較容易說服自己、安慰自己
對於崩潰情緒都比較容易安慰自己睇開走出
對於所謂嘅正義公平都無年青人咁執著堅持。
每次見到呢啲默站嘅年輕手足，我都有種愧疚
感覺好似有班年輕人好固執地企定咗喺過去
而我卻喺佢哋身邊走過，比佢哋move on咗幾步。
而呢種好大人式嘅「成熟懂事」，係我一向最鄙視
我唔想成為一個太懂得喺無能為力下抽身嘅大人
呢種務實不但令我覺得背棄同行嘅人
仲令我覺得好對唔住之前會激動到手震流淚嘅自己。
再睇番尋晚凌晨發生嘅事
凌晨三點睇廣福live睇到我個心好寒好恐懼
我更加知道根本無本錢去move on
因為即使你肯放低仇恨，暴政同黑警都唔會move on
就算你嘅抗爭完咗，好多人嘅抗爭都從未完結
好多人依然被清算緊，依然活喺隨時被清算嘅恐懼之中。
願毋忘721、831，毋忘手足並唔係口語
願每一個手足都平平安安、黑警每一個都全家死光光。
願我永遠都係一個固執嘅青年。
NEVER FROGET,
NEVER FORGIVE.
IG：@hkgirlfriend
FB：港女友
Search